عبد الحسين نوايى
32
شاه عباس ( مجموعه اسناد و مكاتبات تاريخى همراه با يادداشتهاى تفصيلى ) ( فارسى )
ايكن همت و حميتكز و جرأت و غير تكزانلردن قات قات زياده اولمق اقتضا ايلمزمى . الحالة هذه سردار ظفر اقتدار مزه بو اخبار مسرت آثار ايرشدوكى كبى غيرت قوشاغن ايكى يردن قوشانوب حضرت حقه توكل و روح پر فتوح محمد عليه الصلوات و السلام افنده مزه توسل ايدوب اشبوماه محرم الحرامك يكرمى دردنجى گوننده اوتاغن طشره چيقاروب اعداى دينه هزيمت اسبابنه مباشرت اوزره اولمغله سزدخى مقدما سردار مشاراليهك كوندرديكى مكتوبنده قول و قرار اولنديغى زمان و مكانده ملاقات ايچون عساكر تاتار عدوشكارايله قالقوب سرعت و استعجالى له قطع مراحل صحارى و جبال و آهنگ رزم و قتال اهل رفض و ضلال ايدوب غيرت عقيدهء پاك مسلمانيه و لازمهء مذهب حق نعمانيه دوشن شجاعت و شهامتى ظهوره كتوروب سردار ظفر مدار مزه ملحق اولدوغكز دنصكره فرصت ال و يروب محل اقتضا ايتدو كنه كوره اگر ملاحدهء بى دين ايله محاربه و مصاف و اگر تخريب دار و ديار رفض اتصافدر اغوردين و دولت همايونمزده برو جهله مردانه لكلر ظهوره كلمك كرك كه حقكزده انواع عواطف عليهمز متواتر و اصناف عوارف جزيلهمز متكاثر اوله عساكر اسلام حقنده جناب خلافت انتسابمزك توجه خاطر صفا مظاهرى و دعاى خير اجابت مآثرى و ممالك محروسه مزده اولان عامهء علما و صلحا و سائر مؤمنينك آمينى بيله - در عنايت حق ايله هر جانبدن ابواب فتح و ظفر گشاده و اسباب سفر و مهمات عسكر آماده در سزه لازم اولان مهمات ضروريه و عساكر تاتاردن غيرى تصور قونلما مشدر اكاكوره بونامهء التفات مقرون مز وصولند نصكزه نمقدار عسكر ايله نه گونده قالقوب عزيمت ايتدو كزى و سردار غزا آيين مزله ملاقاته نمحلده و نه زمانده قرار ويردو - ككزى معجلا عرض وانهايه اهتمام ايدوب . مراضى خاطر قدسى مظاهرمز استجلابى ايله ارتفاع قدر و ازدياد اعتبار يكزه باعث خدمات پسنديده ظهورينه توجيه عنان عزيمتكزى اخباريكز ارسالنده بذل مقدور و سعى و جهد موفور ايليه سز . « 1 »
--> ( 1 ) منشآت فريدون بيك ج 2 ص 114 - 111 .